Taniqli insayder Fabrisio Romano yarim himoyachi Eduardo Kamavinga «Real» bilan shartnomasini uzaytirgani haqidagi ma’lumotni tasdiqladi.

Jurnalistning yozishicha, fransiyalik futbolchining yangi shartnomasi 2029 yilning iyun oyi oxirigacha amal qiladi.

Avvalroq, boshqa manbalar shartnomaning qisqaroq muddati - 2027/2028 yilgi mavsum oxirigacha mo‘ljallanishi haqida yozishgandi.

Qayd etilishicha, Kamavinganing yangi shartnomasida maoshni oshirish ko‘zda tutilgan. Shartnomada 1 milliard yevroga sotib olish opsiyasi mavjud.

Eduardo Kamavinga 20 yoshda. U «Real Madrid» safida 110 ta o‘yin o‘tkazib, 2 ta gol urgan va jamoadoshlariga 5 ta golli uzatma bergan.