Таниқли инсайдер Фабрицио Романо ярим ҳимоячи Эдуардо Камавинга «Реал» билан шартномасини узайтиргани ҳақидаги маълумотни тасдиқлади.
Журналистнинг ёзишича, франциялик футболчининг янги шартномаси 2029 йилнинг июнь ойи охиригача амал қилади.
Аввалроқ, бошқа манбалар шартноманинг қисқароқ муддати - 2027/2028 йилги мавсум охиригача мўлжалланиши ҳақида ёзишганди.
Қайд этилишича, Камавинганинг янги шартномасида маошни ошириш кўзда тутилган. Шартномада 1 миллиард еврога сотиб олиш опцияси мавжуд.
Эдуардо Камавинга 20 ёшда. У «Реал Мадрид» сафида 110 та ўйин ўтказиб, 2 та гол урган ва жамоадошларига 5 та голли узатма берган.
