O‘zbekiston U-23 terma jamoasi etakchisi Jasurbek Jaloliddinov Ispaniyaga qarshi uchrashuv oldidan matbuot anjumanida ishtirok etdi:
«Osiyo o‘yinlariga jo‘nab ketishimizdan avval ushbu o‘yin haqida e’lon qilingan edi. Shu boisdan agar turnir oxiriga qadar yetib borsak, tayyorgarlik uchun vaqt qisqa bo‘lishini bilar edik.
Shunday ham bo‘ldi va yakunda yaxshi natija qayd etdik. Futbolchilarda charchoq kuzatilishi mumkin, biroq doimiy o‘yin amaliyoti kuchli raqiblarga qarshi o‘yinda bizning foydamizga xizmat qiladi, deb o‘ylayman.
Jamoada ichki muhit doimo a’lo darajada, o‘yinga ham ruhiy ham taktik tomonlama tayyormiz», – dedi futbolchi.
