Ўзбекистон У-23 терма жамоаси етакчиси Жасурбек Жалолиддинов Испанияга қарши учрашув олдидан матбуот анжуманида иштирок этди:

«Осиё ўйинларига жўнаб кетишимиздан аввал ушбу ўйин ҳақида эълон қилинган эди. Шу боисдан агар турнир охирига қадар етиб борсак, тайёргарлик учун вақт қисқа бўлишини билар эдик.

Шундай ҳам бўлди ва якунда яхши натижа қайд этдик. Футболчиларда чарчоқ кузатилиши мумкин, бироқ доимий ўйин амалиёти кучли рақибларга қарши ўйинда бизнинг фойдамизга хизмат қилади, деб ўйлайман.

Жамоада ички муҳит доимо аъло даражада, ўйинга ҳам руҳий ҳам тактик томонлама тайёрмиз», – деди футболчи.