Kataloniyaning “Barselona” klubi yarim himoyachisi Pedri jarohatidan to‘liq forig‘ bo‘ldi. Jurnalist Fernando Polo bergan ma’lumotlarga ko‘ra, tibbiy shtabning so‘nggi tekshiruvlari ispaniyalik futbolchining to‘liq tuzalib ketganini ko‘rsatdi.
Shu tariqa, Pedri terma jamoadagi tanaffusdan so‘ng safga qaytishi kerak. Yarim himoyachi katta ehtimol bilan oktyabr oyi oxirida bo‘lib o‘tadigan "Real" bilan o‘yinda ishtirok etadi.
Shuningdek, manba Pedri yaqin kunlarda jamoaviy mashg‘ulotlarni boshlashini aytadi. Eslatib o‘tamiz, yarim himoyachi jarohatidan oldin Ispaniya chempionatining yangi mavsumida bitta gol urishga muvaffaq bo‘lgandi.