Каталониянинг “Барселона” клуби ярим ҳимоячиси Педри жароҳатидан тўлиқ фориғ бўлди. Журналист Фернандо Поло берган маълумотларга кўра, тиббий штабнинг сўнгги текширувлари испаниялик футболчининг тўлиқ тузалиб кетганини кўрсатди.

Шу тариқа, Педри терма жамоадаги танаффусдан сўнг сафга қайтиши керак. Ярим ҳимоячи катта эҳтимол билан октябрь ойи охирида бўлиб ўтадиган "Реал" билан ўйинда иштирок этади.

Шунингдек, манба Педри яқин кунларда жамоавий машғулотларни бошлашини айтади. Эслатиб ўтамиз, ярим ҳимоячи жароҳатидан олдин Испания чемпионатининг янги мавсумида битта гол уришга муваффақ бўлганди.