«MYU» muxlislari jamoada falsafasi uncha ish bermayotgan bosh murabbiy Erik ten Xagdagi fiziologik o‘zgarishlardan hayratdalar.

Axir niderlandiyalik mutaxassis atigi 1,5 yil ichida aqlga sig‘mas darajada qarigandek. Hozir uning tashqi ko‘rinishidan ko‘pchilik «shok»ka tushmoqda...

«Old Trafford» egasining ketma-ket mag‘lubiyatlari ortidan Erik ten Xag kursisi ancha qimirlab qolgani - ayni haqiqat. Oddiy aytganda, «MYU»da katta reja va istiqbolli loyiha bilan ishga kirishgan murabbiyning kelajagi so‘roq ostida qolmoqda. Ha, omadsizlikka qaramay, rahbariyat murabbiylar shtabini qo‘llab-quvvatlamoqda. Biroq niderlandiyalik mutaxassis faoliyatidagi ushbu murakkab davrni yengib o‘tishda rosa qiynalayotganini sezmaslik mumkin emas.

Muxlislar ten Xagning «MYU»da ish boshlagan paytdagi va ayni ko‘rinishini o‘zaro solishtirishdi. Ikki suratga qarasangiz, Erik atigi 1,5 yillik ish davomida ancha qarigandek tuyuladi. Aslida niderlandiyalik murabbiy oldin ham jiddiy yuz qiyofasi bilan mashhur edi, ammo oqargan soqol uning yangi sifatiga aylandi. Qisqasi, yuz ifodasida farq juda katta. Bunga ijtimoiy tarmoqlarda qoldirilayotgan izohlar ham ancha qiziq:

- «MYU»da toj kiyib yurish oson emas...

- Hozirgi futbolchilar murabbiy talablarini bajarishni istamasalar, klubdan ketishlari kerak. Biz sen bilan, Erik.

- O‘zgarish uchun Brunu, Reshford, Lindelyof va Dalotga rahmat.

- Hozir klubda shunday voqealar ko‘zatilmoqdaki, «qizil iblislar»ga muxlislik qilish tobora qiyinlashmoqda...