O‘zbekiston milliy terma jamoasi bugun Xitoyning Dalyan shahrida Vyetnamga qarshi o‘rtoqlik o‘yini o‘tkazdi.

Uchrashuv yuqori tempda boshlanmadi. Bahsning 26-daqiqasida Oston O‘runov individual mahorati evaziga hisobni ochdi. U raqb jarima maydoni ichiga burchak tomondan kirar-kirmas bir himoyachini aldab o‘tdi hamda darvozaning olis burchagini aniq nishonga oldi.

Ikkinchi bo‘limda esa "standart"dan hisobdagi farqni oshirdik. Burchakdan yetkazilgan uzatmani Husniddin Aliqulov bosh bilan darvozaga joylab qo‘ydi.

Ushbu hisob o‘yinda boshqa o‘zgarmadi. Katanes mazkur uchrashuvda ikkita bo‘limda ikki xil tarkibdan foydalanganini ta’kidlash lozim.

Terma jamoamiz keyingi o‘rtoqlik uchrashuvini 16 oktyabr kuni Xitoyga qarshi o‘tkazadi.

Xalqaro o‘rtoqlik uchrashuvi

O‘ZBEKISTON - VYETNAM - 2:0 (1:0)

Gollar: Oston O‘runov (26), Husniddin Aliqulov (66)

O‘zbekiston: 1. O‘tkir Yusupov (Botirali Ergashev, 46), 3. Hojiakbar Alijonov (22. Abbos Fayzullayev, 58), 5. Rustam Ashurmatov (14. Abduqodir Husanov, 58), 13. Sherzod Nasrullayev (4. Farrux Sayfiyev, 46), 15. Umar Eshmurodov (2. Alibek Davronov, 79), 23. Husniddin Aliqulov (18. Abdulla Abdullayev, 79), 6. Aziz G‘aniyev (Aziz Turg‘unboyev, 46), 9. Odilbek Hamrobekov (7. Otabek Shukurov, 46), 10. Jaloliddin Masharipov (Jasur Yaxshiboyev, 58), 11. Oston O‘runov (8. Jamshid Iskanderov, 46), 21. Igor Sergeev (17. Bobir Abdixoliqov, 46).

Ushbu uchrashuvda kiritilgan gollar va eng esda qolarli vaziyatlarni tomosha qiling.