Ўзбекистон миллий терма жамоаси бугун Хитойнинг Дальян шаҳрида Вьетнамга қарши ўртоқлик ўйини ўтказди.

Учрашув юқори темпда бошланмади. Баҳснинг 26-дақиқасида Остон Ўрунов индивидуал маҳорати эвазига ҳисобни очди. У рақб жарима майдони ичига бурчак томондан кирар-кирмас бир ҳимоячини алдаб ўтди ҳамда дарвозанинг олис бурчагини аниқ нишонга олди.

Иккинчи бўлимда эса "стандарт"дан ҳисобдаги фарқни оширдик. Бурчакдан етказилган узатмани Ҳусниддин Алиқулов бош билан дарвозага жойлаб қўйди.

Ушбу ҳисоб ўйинда бошқа ўзгармади. Катанец мазкур учрашувда иккита бўлимда икки хил таркибдан фойдаланганини таъкидлаш лозим.

Терма жамоамиз кейинги ўртоқлик учрашувини 16 октябрь куни Хитойга қарши ўтказади.

Халқаро ўртоқлик учрашуви

ЎЗБЕКИСТОН - ВЬЕТНАМ - 2:0 (1:0)

Голлар: Остон Ўрунов (26), Ҳусниддин Алиқулов (66)

Ўзбекистон: 1. Ўткир Юсупов (Ботирали Эргашев, 46), 3. Ҳожиакбар Алижонов (22. Аббос Файзуллаев, 58), 5. Рустам Ашурматов (14. Абдуқодир Ҳусанов, 58), 13. Шерзод Насруллаев (4. Фаррух Сайфиев, 46), 15. Умар Эшмуродов (2. Алибек Давронов, 79), 23. Ҳусниддин Алиқулов (18. Абдулла Абдуллаев, 79), 6. Азиз Ғаниев (Азиз Турғунбоев, 46), 9. Одилбек Ҳамробеков (7. Отабек Шукуров, 46), 10. Жалолиддин Машарипов (Жасур Яхшибоев, 58), 11. Остон Ўрунов (8. Жамшид Искандеров, 46), 21. Игор Сергеев (17. Бобир Абдихолиқов, 46).

Ушбу учрашувда киритилган голлар ва энг эсда қоларли вазиятларни томоша қилинг.