"Real Madrid" yarim himoyachisi Orelyen Tchuameni markaziy himoyachi pozisiyasini yopishga tayyorligini tan oldi.
Karlo Anchelotti fransiyalik futbolchini La Liga doirasida "Osasuna"ga qarshi o‘yinda (4:0) himoyada sinab ko‘rdi. Eder Militaoning jiddiy jarohati "Los-Blankos"ning markaziy himoyadagi imkoniyatlarini cheklab qo‘ydi, shuning uchun Tchuameni kelajakda yana himoya pozisiyasida o‘ynashiga to‘g‘ri kelishi mumkin.
23 yoshli yarim himoyachining o‘zi ham murabbiyga kerak bo‘lgan joyda o‘ynashga tayyorligini aytdi: "Ehtimol, himoya markazida foydali bo‘larman. U yerda bo‘lganimda juda yaxshi o‘ynaganman, lekin menga yarim himoyada ko‘proq yoqadi", - deya qo‘shimcha qildi Tchuameni.
