"Реал Мадрид" ярим ҳимоячиси Орельен Тчуамени марказий ҳимоячи позициясини ёпишга тайёрлигини тан олди.
Карло Анчелотти франциялик футболчини Ла Лига доирасида "Осасуна"га қарши ўйинда (4:0) ҳимояда синаб кўрди. Эдер Милитаонинг жиддий жароҳати "Лос-Бланкос"нинг марказий ҳимоядаги имкониятларини чеклаб қўйди, шунинг учун Тчуамени келажакда яна ҳимоя позициясида ўйнашига тўғри келиши мумкин.
23 ёшли ярим ҳимоячининг ўзи ҳам мураббийга керак бўлган жойда ўйнашга тайёрлигини айтди: "Эҳтимол, ҳимоя марказида фойдали бўларман. У ерда бўлганимда жуда яхши ўйнаганман, лекин менга ярим ҳимояда кўпроқ ёқади", - дея қўшимча қилди Тчуамени.
