«Fiorentina» va Italiya terma jamoasining sobiq futbolchisi Marko Nappi A Seriyaning bir nechta mashhur futbolchilar ishtirok etgan pul tikishga oid voqealarga munosabat bildirdi.

«Avvalo shuni aytmoqchimanki, bular butun Italiya futbolini salbiy tomonga burdilar. Dahshatlisi, bu pul tikish hikoyasi tufayli futbolimiz haqida hozir butun dunyoda shunday yomon gaplar ketmoqda.

Italiya jamoasining o‘ziga kelsak, hozir ham, Angliyaga qarshi muammoga uchramasalar kerak, deb o‘ylayman.

Bir qator o‘yinchilarsiz ham Spaletti ixtiyorida kuchli ijrochilar bor. Janob Spaletti ajoyib taktik murabbiy, u har qanday vaziyatga tayyorlana oladi.

Balki bu dahshatli voqea jamoamizni birlashtirar va biz o‘zimizni eng yaxshi tomonlarimizni ko‘rsatarmiz», - dedi Nappi.

Avvalroq, pul tikish ayblovlari tufayli Sandro Tonali va Nikolo Dzanyolo Italiya terma jamoasini tark etgandi.