"Manchester Yunayted" yozda Xavi Simonsni sotib olishga harakat qilgandi.
Jurnalist Loik Tansining yozishicha, "PSJ" mankunianliklar va "Leypsig"dan yirik takliflar olgan, biroq ularni qabul qilmagan. Buning sababi shundaki, pul PSVga o‘tkazilishi kerak edi - bu Simons 2022/23 yilgi mavsumda o‘ynagan Niderlandiya klubi bilan kelishuv shartlarida bor.
Futbolchi qayta sotilgan taqdirda tovon to‘lash to‘g‘risidagi band ma’lum sanagacha amal qilgan.
"PSJ" Simonsni "Leypsig"ga ijaraga berishga qaror qildi. Bundesligadagi 7 o‘yinda 20 yoshli yarim himoyachi 3 ta gol urishga muvaffaq bo‘ldi.