Germaniya terma jamoasi bosh murabbiyi Yulian Nagelsmann "Bavariya"da o‘tkazgan davr haqida gapirdi.
36 yoshli mutaxassis myunxenliklar jamoasini 2021 yilning iyulidan 2023 yilning mart oyigacha boshqargan, shundan so‘ng u iste’foga chiqarilgandi. Sentyabr oyida murabbiy Germaniya terma jamoasiga ishga joylashdi va u yerda Xans-Diter Flik o‘rnini egalladi.
"Bavariya"da bo‘lgan voqealar haqida o‘ylash uchun yetarlicha vaqtim bor edi. Bilaman, men u yerda ishlaganimda ba’zi xatolarga yo‘l qo‘yganman, lekin ijobiy tomonlari ham borligini tushunaman. Murabbiylar ham xuddi o‘yinchilar kabi o‘sishi kerak. Keyinchalik o‘sish uchun ba’zi xatolar kerak, shunchaki ularni qayta-qayta takrorlashdan qochishingiz kerak. Endi mening vazifam - "Bavariya"da qilgan barcha yaxshiliklarni qilish, lekin oldingi xatolardan qochish", - dedi Nagelsmann ESPN bilan suhbatda.