"Napoli" hujumchisi Viktor Osimxen faoliyatini "Real"da davom ettirmoqchi.
Nigeriyalik futbolchining “Napoli”dagi kelajagi noaniqligicha qolmoqda va 24 yoshli futbolchiga qiziqish Yevropaning yetakchi ligalari gigantlari va Saudiya Arabistoni chempionati vakillaridan bo‘lmoqda. Jurnalist Ekrem Konurning so‘zlariga ko‘ra, Osimxenning o‘zi “Real”ga o‘tishni juda xohlaydi. "Qirollik klubi"dan taklif tushsa, u Madridga o‘tish variantini ma’qullaydi.
Transfermarkt portali ma’lumotlariga ko‘ra, Viktor Osimxenning narxi 120 million yevroni tashkil qiladi. Futbolchi haligacha "Napoli" bilan shartnomani uzaytirish borasida kelishib olgani yo‘q, amaldagi kelishuv esa 2025 yilning o‘rtalarida tugaydi.