"Наполи" ҳужумчиси Виктор Осимхен фаолиятини "Реал"да давом эттирмоқчи.
Нигериялик футболчининг “Наполи”даги келажаги ноаниқлигича қолмоқда ва 24 ёшли футболчига қизиқиш Европанинг етакчи лигалари гигантлари ва Саудия Арабистони чемпионати вакилларидан бўлмоқда. Журналист Экрем Конурнинг сўзларига кўра, Осимхеннинг ўзи “Реал”га ўтишни жуда хоҳлайди. "Қироллик клуби"дан таклиф тушса, у Мадридга ўтиш вариантини маъқуллайди.
Transfermarkt портали маълумотларига кўра, Виктор Осимхеннинг нархи 120 миллион еврони ташкил қилади. Футболчи ҳалигача "Наполи" билан шартномани узайтириш борасида келишиб олгани йўқ, амалдаги келишув эса 2025 йилнинг ўрталарида тугайди.