Bryusselda Shvesiyaning ikki fuqarosi Belgiya terma jamoasiga qarshi o‘yin kunida otib ketildi.

Associated Press nashri xabar berishicha, 16-oktyabr kuni kechasi Belgiya poytaxti markazida Shvesiya terma jamoasining ikki muxlisi otib ketilgan. Yana bir kishi jarohatlangan.

Bu vaqtda esa Belgiya va Shvesiya terma jamoalari voqea sodir bo‘lgan joydan 5 km uzoqlikda — “Qirol Boduen” stadionida o‘yin o‘tkazayotgan edi. Ikki muxlis aynan o‘yin uchun kelgani yoki yo‘qligi borasida ma’lumotlar yo‘q. Gumonlanuvchi voqea joyidan qochishga muvaffaq bo‘lgan, hozirda polisiya uni qidirmoqda.

Laatste Nieuws’ning ma’lum qilishicha, ular haqiqatan ham Shvesiya terma jamoasining muxlislari.

Belgiya va Shvesiya o‘rtasidagi o‘yin birinchi bo‘limdan so‘ng (1:1) to‘xtatib qo‘yildi. O‘yinni davom ettirish taklifi ham berilgan, biroq bu futbolchilar uchun juda salbiy ta’sir ko‘rsatishi hisobga olinib, bu taklif rad etilgan. Natijada, uchrashuv qoldirildi.