Shvesiya va Belgiya terma jamoalari o‘rtasidagi Bryusselda bo‘lib o‘tgan o‘yinga kelgan qariyb 35 ming tomoshabin terrorchi tomonidan ikki nafar shvesiyalik muxlisning o‘ldirilishi ortidan 4 soat davomida stadionni tark eta olmadi. Yana bir kishi jarohat oldi, uning hayoti xavf ostida emas.

Belgiya poytaxti markazidagi qurolli hujum bilan deyarli bir vaqtda, shimoli-g‘arbiy chekkadagi "Qirol Boduen” stadionida Belgiya va Shvesiya terma jamoalari o‘rtasidagi Yevropa chempionati saralash bahsi boshlandi. Uchrashuv boshlanganidan ko‘p o‘tmay to‘xtatildi, polisiya tomoshabinlarga o‘tirishni buyurdi. Jinoyat joyidan qochib ketgan jinoyatchi ijtimoiy tarmoqlarda musulmonlar nomidan shvedlardan o‘ch olishga va’da bergan videoni tarqatdi. Shu sababli, polisiya muxlislarni xavfsiz evakuasiya qilishga tayyorgarlik ko‘rish uchun stadionga katta kuchlarni jalb qildi.

Shu tariqa 35 ming kishi taxminan to‘rt soat davomida stadionda qoldi, shundan so‘ng 23:47 (Toshkent vaqti bilan 02:47) polisiya evakuasiya qilishni boshladi. Bu vaqt davomida stadionda vaziyat tinch edi, belgiyalik va shvesiyalik muxlislar bir-birini qo‘llab-quvvatlashdi. Evakuasiya 30 daqiqada amalga oshirildi.

Belgiya hukumati terrorchilik xavfi darajasini maksimal darajaga ko‘tardi.