Швеция ва Бельгия терма жамоалари ўртасидаги Брюсселда бўлиб ўтган ўйинга келган қарийб 35 минг томошабин террорчи томонидан икки нафар швециялик мухлиснинг ўлдирилиши ортидан 4 соат давомида стадионни тарк эта олмади. Яна бир киши жароҳат олди, унинг ҳаёти хавф остида эмас.
Бельгия пойтахти марказидаги қуролли ҳужум билан деярли бир вақтда, шимоли-ғарбий чеккадаги "Қирол Бодуэн” стадионида Бельгия ва Швеция терма жамоалари ўртасидаги Европа чемпионати саралаш баҳси бошланди. Учрашув бошланганидан кўп ўтмай тўхтатилди, полиция томошабинларга ўтиришни буюрди. Жиноят жойидан қочиб кетган жиноятчи ижтимоий тармоқларда мусулмонлар номидан шведлардан ўч олишга ваъда берган видеони тарқатди. Шу сабабли, полиция мухлисларни хавфсиз эвакуация қилишга тайёргарлик кўриш учун стадионга катта кучларни жалб қилди.
Шу тариқа 35 минг киши тахминан тўрт соат давомида стадионда қолди, шундан сўнг 23:47 (Тошкент вақти билан 02:47) полиция эвакуация қилишни бошлади. Бу вақт давомида стадионда вазият тинч эди, бельгиялик ва швециялик мухлислар бир-бирини қўллаб-қувватлашди. Эвакуация 30 дақиқада амалга оширилди.
Бельгия ҳукумати террорчилик хавфи даражасини максимал даражага кўтарди.
