Kataloniyaning "Barselona" klubi yarim himoyachisi Pedri bir haftadan keyin maydonga qaytadi, deb xabar bermoqda AS jurnalistlari.
20 yoshli futbolchi avgust oyi oxirida olgan son jarohatidan tuzalib ketmoqda. Umidli futbolchi Chempionlar ligasi guruh bosqichidan o‘rin olgan Ukraina “Shaxtyor”iga qarshi o‘yinda tiklanishi kutilmoqda. Ushbu uchrashuv 25 oktyabr kuni bo‘lib o‘tadi.
Eslatib o‘tamiz, 28 oktyabr kuni “Barselona” La Ligadagi eng muhim o‘yinini “Real”ga qarshi o‘tkazadi.
Ispaniya chempionatining joriy mavsumida yarim himoyachi bor yo‘g‘i ikkita o‘yinda qatnashib, bitta gol urdi.