«Bavariya» transfer bozorini o‘rganib, kelajakda tarkibini kuchaytirish imkoniyatlarini qidirmoqda.
Bild xabariga ko‘ra, myunxenliklar Ukraina terma jamoasining hujumkor yarim himoyachisi Viktor Sigankovga qiziqish bildirmoqda.
25 yoshli Sigankov Kiyevning «Dinamo» klubi tarbiyalanuvchisi bo‘lib, yanvar oyidan buyon futbolchi Ispaniyada «Jirona» safida to‘p tepmoqda.
Qayd etilishicha, «Jirona» Sigankov uchun kamida 30 million yevro talab qiladi. Biroq, «Bavariya» hali ispan klubiga aniq taklif bilan chiqqani yo‘q.