Angliya terma jamoasi bosh murabbiyi Garet Sautgeyt Yevro-2024 saralashi doirasidagi Italiyaga qarshi bugun bo‘lib o‘tadigan o‘yin uchun qaydnomadan 2 futbolchini chiqarib tashladi. Metro.uk xabariga ko‘ra, gap "Arsenal" hujumchisi Eddi Nketia va "Milan" himoyachisi Fikayo Tomori haqida ketmoqda.
Gap shundaki, Sautgeyt Avstraliyaga qarshi o‘rtoqlik o‘yiniga (1:0) 25 nafar futbolchini chaqirgandi. Yevro-2024 saralash bahsi uchun esa 23 futbolchining ro‘yxati talab qilinadi.
Eslatib o‘tamiz, Nketia “uch sherlar” safida rasmiy o‘yinda maydonga tushmagani uchun hamon Gana terma jamoasi futbolchisiga aylanishi mumkin.