Англия терма жамоаси бош мураббийи Гарет Саутгейт Евро-2024 саралаши доирасидаги Италияга қарши бугун бўлиб ўтадиган ўйин учун қайдномадан 2 футболчини чиқариб ташлади. Metro.uk хабарига кўра, гап "Арсенал" ҳужумчиси Эдди Нкетиа ва "Милан" ҳимоячиси Фикайо Томори ҳақида кетмоқда.
Гап шундаки, Саутгейт Австралияга қарши ўртоқлик ўйинига (1:0) 25 нафар футболчини чақирганди. Евро-2024 саралаш баҳси учун эса 23 футболчининг рўйхати талаб қилинади.
Эслатиб ўтамиз, Нкетиа “уч шерлар” сафида расмий ўйинда майдонга тушмагани учун ҳамон Гана терма жамоаси футболчисига айланиши мумкин.