"Real Madrid" Takefusa Kuboning "Real Sosyedad"dagi rivojlanishini diqqat bilan kuzatib bormoqda, deb xabar beradi Relevo jurnalisti Xorxe Pikon.
22 yoshli yaponiyalik kelasi yozda transfer bozorida yaxshi variant bo‘lishi mumkin, ayniqsa "Los Blankos" futbolchiga bo‘lgan 50% huquqlarga egalik qilishini hisobga olsa.
Ammo Kuboning o‘zi zaxira o‘yinchisi bo‘lish uchun qaytishni istamaydi. Agar murabbiy unga haqiqatan ham qiziqsa, u o‘yin vaqti uchun kurashishga tayyor.
Eslatib o‘tamiz, "Real Madrid" vinger huquqlariga 2019 yilning iyul oyidan beri egalik qiladi. Shundan so‘ng u to‘rt marta - ikki marta "Malyorka", "Xetafe" va "Vilyarreal"ga ijaraga berilgan.
2022 yilning yozida "Sosyedad" hujumchining 50% huquqlarini 6,5 million yevroga sotib oldi. O‘shandan beri Kubo 54 uchrashuvda 14 ta gol urdi va 11 ta golli uzatmani amalga oshirdi.
