"Реал Мадрид" Такефуса Кубонинг "Реал Сосьедад"даги ривожланишини диққат билан кузатиб бормоқда, деб хабар беради Relevo журналисти Хорхе Пикон.
22 ёшли япониялик келаси ёзда трансфер бозорида яхши вариант бўлиши мумкин, айниқса "Лос Бланкос" футболчига бўлган 50% ҳуқуқларга эгалик қилишини ҳисобга олса.
Аммо Кубонинг ўзи захира ўйинчиси бўлиш учун қайтишни истамайди. Агар мураббий унга ҳақиқатан ҳам қизиқса, у ўйин вақти учун курашишга тайёр.
Эслатиб ўтамиз, "Реал Мадрид" вингер ҳуқуқларига 2019 йилнинг июль ойидан бери эгалик қилади. Шундан сўнг у тўрт марта - икки марта "Мальорка", "Хетафе" ва "Вильярреал"га ижарага берилган.
2022 йилнинг ёзида "Сосьедад" ҳужумчининг 50% ҳуқуқларини 6,5 миллион еврога сотиб олди. Ўшандан бери Кубо 54 учрашувда 14 та гол урди ва 11 та голли узатмани амалга оширди.
