Ispaniya U21 va Madridning «Atletiko» klubi hujumchisi Samu Omorodion Qozog‘iston yoshlar jamoasiga qarshi o‘yindan so‘ng o‘z fikrlari bilan o‘rtoqlashdi.

– Samu, g‘alaba bilan tabriklayman. O‘yinga qanady izoh bergan bo‘lardingiz?
– Rahmat. O‘yin keskin kurashlarga boy bo‘ldi, ammo biz o‘zimizga ishonamiz. Maydonda o‘zimizni yaxshi ko‘rsata oldik, g‘alaba qozonib, guruh peshqadamiga aylandik.

– Gol urgan paytingizda qanday hissiyotlarni boshdan kechirdingiz?
– Men uchun gol urish muhim edi. Chunki terma jamoadan chaqiruv olish uchun ko‘p vaqt mehnat qildim. Umid qilaman, Ispaniya terma jamoasi tarkibida hali ko‘p o‘yinlarda ishtirok etaman.

– Qozog‘istonga qarshi o‘yingacha Toshkentda O‘zbekistonga qarshi o‘yinda ishtirok etgandingiz (0:0). Bu jamoalarni taqqoslay olasizmi?
– Har ikki jamoa jismoniy jihatdan kuchli. Shuningdek, ular 2-4-4 sxemasi ostida harakat qiladi. Ularga qarshi o‘ynash oson kechmadi.