«Bavariya» darvozaboni Manuel Noyer Germaniya chempionatining kelgusi o‘yinida maydonga qaytishga tayyor.
Kicker jurnalisti Georg Xolznerning xabar berishicha, «Bavariya»ning tibbiy shtabi nihoyat 37 yoshli futbolchini o‘yinlarda ishtirok etishga ruxsat bergan.
Qayd etilishicha, endi Noyerning maydonga qaytishi haqidagi qaror myunxenliklar ustozi Tomas Tuxelga bog‘liq.
Eslatib o‘tamiz, Noyer ta’til vaqtida oyog‘idan olgan jarohati tufayli deyarli bir yil maydonga tusha olmagandi.
Hozir «Bavariya» 17 ochko bilan Germaniya chempionati turnir jadvalida uchinchi o‘rinni egallab turibdi.