«Бавария» дарвозабони Мануэль Нойер Германия чемпионатининг келгуси ўйинида майдонга қайтишга тайёр.
Kicker журналисти Георг Холзнернинг хабар беришича, «Бавария»нинг тиббий штаби ниҳоят 37 ёшли футболчини ўйинларда иштирок этишга рухсат берган.
Қайд этилишича, энди Нойернинг майдонга қайтиши ҳақидаги қарор мюнхенликлар устози Томас Тухелга боғлиқ.
Эслатиб ўтамиз, Нойер таътил вақтида оёғидан олган жароҳати туфайли деярли бир йил майдонга туша олмаганди.
Ҳозир «Бавария» 17 очко билан Германия чемпионати турнир жадвалида учинчи ўринни эгаллаб турибди.
