«Yuventus» «Manchester Siti» yarim himoyachisi Kalvin Fillipsga qiziqish bildirmoqda.

27 yoshli futbolchi «shaharliklar» safida kamdan-kam maydonga tushmoqda, shu bois, avval xabar qilinganidek, klub ijara variantlarini ko‘rib chiqadi.

The Telegraph nashri xabariga ko‘ra, angliyalik yarim himoyachiga yangi da’vogar Italiyaning «Yuventus» klubi bo‘ladi, u mavsum oxirigacha ijaraga olish imkoniyatini ko‘rib chiqmoqda. «Keksa sinyora» futbolchi uchun «Nyukasl» bilan raqobatlashishiga to‘g‘ri keladi.

Kalvin Fillips bu mavsumda «Manchester Siti»ning atigi beshta o‘yinida maydonga tushdi va faqat bitta bahsni asosiy tarkibda boshladi. 

Transfermarkt ekspertlari angliyalik futbolchining narxini 28 million yevroga baholamoqda.