"Toronto" vingeri Federiko Bernardeski "Yuventus"ga qaytish istagini bildirdi.

Italiyalik futbolchi o‘tgan yilning iyul oyida "keksa sinyora" safini tark etib, keyinchalik erkin agent sifatida "Toronto"ga ko‘chib o‘tgandi. Jurnalist Orasio Akkomandoning xabariga ko‘ra, 29 yoshli futbolchi yaqinda atrofidagilarga qishki transfer oynasida "Yuventus"ga qaytishni xohlashini aytgan. Turinliklar rahbariyati allaqachon o‘tishni amalga oshirish uchun dastlabki qadamlarni tashlamoqda - mavsum oxirigacha ijara haqida gap ketmoqda.

Federiko Bernardeski MLSning joriy mavsumida 30 ta o‘yinda maydonga tushib, 5 ta gol va 2 ta golli uzatmaga mualliflik qilgan.