Angliya terma jamoasi yarim himoyachisi Kalvin Fillips jamoa bosh murabbiyi Garet Sautgeyt bilan suhbati haqida gapirdi. “Uch sherlar” ustozi futbolchiga terma jamoaning asosiy tarkibidagi o‘rnini qaytarish bo‘yicha maslahatlar berdi.
"Sautgeyt menga Angliya terma jamoasining bir qismi bo‘lish uchun tez-tez o‘ynashim va mashg‘ulot o‘tkazishim kerakligini aytdi. Men bu masalada Garetga to‘liq qo‘shilaman va ko‘proq o‘yin vaqtini olishni istayman”, dedi Fillips.
Eslatib o‘tamiz, Fillips yanvar oyida "Manchester Siti"ni tark etishi mumkin.
