Yozda Ispaniyaning "Valensiya" jamoasidan yigirma million yevroga sotib olingan "Milan"ning yangi futbolchisi Yunus Musa bu mavsumda "rossonerilar" Skudettoni maqsad qilganini tasdiqladi. Hozir “rossonerilar” chempionat jadvalida peshqadamlik qilmoqda, ammo keyingi turda ular Turinning “Yuventus” klubiga qarshi bahs olib borishadi:
"Derbidagi mag‘lubiyatdan so‘ng yig‘lab yuborishingiz yoki o‘zingizni yig‘ib, munosabat bildirishingiz mumkin. Biz munosabat bildirdik. Oldimizda Skudettoni yutish maqsadimiz bor. Biz kuboklarni qo‘lga kiritishimiz kerak", - deya Musaning so‘zlarini keltiradi pianetamilan.it.
"Milan" oxirgi marta 2022 yilda Skudettoni qo‘lga kiritgan.
