Ёзда Испаниянинг "Валенсия" жамоасидан йигирма миллион еврога сотиб олинган "Милан"нинг янги футболчиси Юнус Муса бу мавсумда "россонерилар" Скудеттони мақсад қилганини тасдиқлади. Ҳозир “россонерилар” чемпионат жадвалида пешқадамлик қилмоқда, аммо кейинги турда улар Туриннинг “Ювентус” клубига қарши баҳс олиб боришади:
"Дербидаги мағлубиятдан сўнг йиғлаб юборишингиз ёки ўзингизни йиғиб, муносабат билдиришингиз мумкин. Биз муносабат билдирдик. Олдимизда Скудеттони ютиш мақсадимиз бор. Биз кубокларни қўлга киритишимиз керак", - дея Мусанинг сўзларини келтиради pianetamilan.it.
"Милан" охирги марта 2022 йилда Скудеттони қўлга киритган.
