Portugaliyalik murabbiy Joze Mourinyo futbolda g‘alabaning o‘rni haqida fikr bildirib o‘tdi.
«Hamkasblarim o‘z jamoasini yuqori divizionda saqlash qolish uchun kurashayotganini ko‘rganimda, bu men uchun g‘alaba ekanini tushunaman.
G‘alaba bu faqatgina Kubokni qo‘lga kiritish emas. G‘alaba bu faqat uyga medal yoki Kubok olib kelishing emas.
Butun faoliyati davomida birorta ham sovrin qo‘lga kirita olmagan mutaxassislar bor. Ular men uchun g‘olib murabbiylar hisoblanadi, chunki ular o‘z maqsadlariga erishyapti.
Futbolda eng muhimi g‘alaba, falsafa sotish emas. Maqsad g‘olib chiqishdan iborat», – dedi «Roma» bosh murabbiyi.