Italiyalik murabbiy Antonio Konte qaysi klubni tark etganidan ko‘proq afsusda ekanligiga javob berdi.
"Xayrlashish? Mening eng katta afsuslanganim jamoadagi uch yillik faoliyatimdan so‘ng "Yuventus"ni tark etishim. Kichik muammolarni katta deb bila boshlaganimda ketishga qaror qildim", - dedi Konte Belve bilan suhbatda.
Massimiliano Allegri jamoani tark etsa, Konte "Yuventus"ga qaytishi mumkinligi avvalroq xabar qilingandi.
Eslatib o‘tamiz, Antonio Kontening so‘nggi ish joyi London "Tottenxem" klubi bo‘lgan. Italiyalik mutaxassis 2021 yildan 2023 yilgacha ingliz klubini boshqargan.
Murabbiylik faoliyati davomida Konte sakkizta chempionlikni qo‘lga kiritdi: beshta “Yuventus” bilan, bitta “Inter” bilan va yana ikkitasida “Chelsi” bilan.
Ayni damda “Yuventus” 17 ochko bilan Italiya chempionati turnir jadvalida uchinchi o‘rinda bormoqda.
