"Monako" yarim himoyachisi Aleksandr Golovin allaqachon umumiy guruh mashg‘ulotlariga qaytgan. Xabaringiz bor, futbolchi jarohati tufayli Rossiya terma jamoasining oktyabr oyidagi o‘rtoqlik uchrashuvlarini o‘tkazib yuborgan edi.
“Golovinning ahvoli ancha yaxshi. U umumiy guruhdagi mashg‘ulotlarga qaytdi", - deya "Monako" matbuot xizmatining javobidan iqtibos keltiradi Sport24.
Sakkiz turdan keyin “Monako” Fransiya chempionati turnir jadvalida birinchi o‘rinni egallab turibdi. Jamoa navbatdagi o‘yinni 22 oktyabr, yakshanba kuni o‘z maydonida "Mes"ga qarshi o‘tkazadi.
