"Монако" ярим ҳимоячиси Александр Головин аллақачон умумий гуруҳ машғулотларига қайтган. Хабарингиз бор, футболчи жароҳати туфайли Россия терма жамоасининг октябрь ойидаги ўртоқлик учрашувларини ўтказиб юборган эди.
“Головиннинг аҳволи анча яхши. У умумий гуруҳдаги машғулотларга қайтди", - дея "Монако" матбуот хизматининг жавобидан иқтибос келтиради Спорт24.
Саккиз турдан кейин “Монако” Франция чемпионати турнир жадвалида биринчи ўринни эгаллаб турибди. Жамоа навбатдаги ўйинни 22 октябрь, якшанба куни ўз майдонида "Мец"га қарши ўтказади.