"Manchester Yunayted" bosh murabbiyi Erik ten Xag APL doirasida "Sheffild"ga qarshi o‘yin oldidan jurnalistlar savollariga javob berdi.
“Jim Retkliff va klub aksiyalarini sotish? Men bu jarayonda ishtirok etmayman. Klubdagi boshqa odamlar bu borada ishlamoqda, men bor e’tiborimni jamoaga qaratganman. Ustuvorlik - keyingi o‘yin.
Onanga kelsak, u yaxshiroq o‘ynashini hammamiz bilamiz. Premyer-ligaga kelgan har bir kishiga moslashish davri kerak. U bunga ko‘nikib qoladi. Andre o‘z darajasini "Barselona", "Ayaks", "Inter"da ko‘rsatdi, u Chempionlar Ligasi finalida o‘ynagan.
Premyer-ligadagi har bir o‘yin qiyin, "Siti" va "Tottenxem"ga qarshi "Sheffild"ning natijalarini ko‘rdingiz, bu minimal mag‘lubiyatlar edi. Agar siz eng yaxshi futbol o‘ynamasangiz, yutqazishingiz mumkin.
Sancho? U haqida allaqachon barcha gaplar aytilgan", deya qo‘shimcha qildi ten Xag.