"Манчестер Юнайтед" бош мураббийи Эрик тен Хаг АПЛ доирасида "Шеффилд"га қарши ўйин олдидан журналистлар саволларига жавоб берди.
“Жим Рэтклифф ва клуб акцияларини сотиш? Мен бу жараёнда иштирок этмайман. Клубдаги бошқа одамлар бу борада ишламоқда, мен бор эътиборимни жамоага қаратганман. Устуворлик - кейинги ўйин.
Онанга келсак, у яхшироқ ўйнашини ҳаммамиз биламиз. Премьер-лигага келган ҳар бир кишига мослашиш даври керак. У бунга кўникиб қолади. Андре ўз даражасини "Барселона", "Аякс", "Интер"да кўрсатди, у Чемпионлар Лигаси финалида ўйнаган.
Премьер-лигадаги ҳар бир ўйин қийин, "Сити" ва "Тоттенхэм"га қарши "Шеффилд"нинг натижаларини кўрдингиз, бу минимал мағлубиятлар эди. Агар сиз энг яхши футбол ўйнамасангиз, ютқазишингиз мумкин.
Санчо? У ҳақида аллақачон барча гаплар айтилган", дея қўшимча қилди тен Хаг.
