"Chelsi" himoyachisi Mark Kukurelya Angliya Premyer-ligasida "Arsenal"ga qarshi o‘yin haqidagi o‘z taassurotlari bilan o‘rtoqlashdi. Eslatib o‘tamiz, “ko‘klar” 2:0 hisobida oldinda borayotgan edi, biroq uchrashuv yakunida “kanonirlar” hisobni tenglashtirishdi va “Stemford Brij”dan bir ochko olib ketdi.
"Biz "Arsenal" bilan durangdan g‘azabdamiz. Bu durang, lekin biz mag‘lubiyatga uchragandek tuyuladi, chunki o‘yinning aksariyat qismini biz nazorat qildik. Jamoa ajoyib o‘yin ko‘rsatdi va uch ochkoga loyiq edi, shuning uchun g‘alaba qozona olmaganimiz meni g‘azablantirmoqda", - deya Kukurelya so‘zlarini keltiradi jurnalist Saymon Fillips.
Avvalroq, "Chelsi" bosh murabbiyi Maurisio Pochettino Kukurelyani "Arsenal"ga qarshi o‘yindagi yaxshi o‘yini uchun yuqori baholagandi.
