"Челси" ҳимоячиси Марк Кукурелья Англия Премьер-лигасида "Арсенал"га қарши ўйин ҳақидаги ўз таассуротлари билан ўртоқлашди. Эслатиб ўтамиз, “кўклар” 2:0 ҳисобида олдинда бораётган эди, бироқ учрашув якунида “канонирлар” ҳисобни тенглаштиришди ва “Стэмфорд Бриж”дан бир очко олиб кетди.
"Биз "Арсенал" билан дурангдан ғазабдамиз. Бу дуранг, лекин биз мағлубиятга учрагандек туюлади, чунки ўйиннинг аксарият қисмини биз назорат қилдик. Жамоа ажойиб ўйин кўрсатди ва уч очкога лойиқ эди, шунинг учун ғалаба қозона олмаганимиз мени ғазаблантирмоқда", - дея Кукурелья сўзларини келтиради журналист Саймон Филлипс.
Аввалроқ, "Челси" бош мураббийи Маурисио Почеттино Кукурельяни "Арсенал"га қарши ўйиндаги яхши ўйини учун юқори баҳолаганди.
