Myunxenning “Bavariya” klubi rahbariyati kanadalik himoyachi Alfonso Devisning transferi uchun tovon puli miqdori haqida qaror qabul qildi. Sport Bild jurnalistlariga ma’lum bo‘lishicha, Germaniya chempioni futbolchi uchun taxminan 50 million yevro taklif qilsa, uni sotadi.
"Real Madrid" kanadalik futbolchiga asosiy da’vogar sifatida ko‘rilmoqda. Qirollik klubi Devisni sotib olishga tayyor, ammo 40 millionga.
Kanadalik lateral "Bavariya" bilan 2025 yil o‘rtalariga qadar shartnoma majburiyatlari bilan bog‘langan. Transfermarkt portali ekspertlari uning transfer qiymatini 70 million yevroga baholamoqda.
