Мюнхеннинг “Бавария” клуби раҳбарияти канадалик ҳимоячи Альфонсо Дэвиснинг трансфери учун товон пули миқдори ҳақида қарор қабул қилди. Sport Bild журналистларига маълум бўлишича, Германия чемпиони футболчи учун тахминан 50 миллион евро таклиф қилса, уни сотади.

"Реал Мадрид" канадалик футболчига асосий даъвогар сифатида кўрилмоқда. Қироллик клуби Дэвисни сотиб олишга тайёр, аммо 40 миллионга.

Канадалик латерал "Бавария" билан 2025 йил ўрталарига қадар шартнома мажбуриятлари билан боғланган. Transfermarkt портали экспертлари унинг трансфер қийматини 70 миллион еврога баҳоламоқда.