"Real Betis" yarim himoyachisi Isko Manuyel Pellegrini bilan ishlash muddatini uzaytirishi mumkin. Jurnalist Fabrisio Romanoning so‘zlariga ko‘ra, agar ispaniyalik futbolchi joriy mavsumda kamida 25 ta o‘yinda kamida 45 daqiqa maydonga tushsa, uning shartnomasi avtomatik ravishda 2026 yilgacha uzaytiriladi.

Eslatib o‘tamiz, ayni damda Iskoning "Betis" bilan shartnomasi 2025 yilning yoziga qadar amal qiladi. Futbolchi shu yozda Manuyel Pellegrini jamoasiga erkin agent sifatida kelib qo‘shildi.

Ma’lum qilinishicha, agar Iskoning shartnomasi avtomatik tarzda 2026 yilning yoziga qadar uzaytirilsa, shartnomada tovon puli 10 million yevro bo‘ladi.

Joriy mavsumda Isko “Betis” safida Ispaniya chempionatida 10 ta o‘yinda maydonga tushib, 1 ta gol va assistentlik qilgan.