"Реал Бетис" ярим ҳимоячиси Иско Мануел Пеллегрини билан ишлаш муддатини узайтириши мумкин. Журналист Фабрицио Романонинг сўзларига кўра, агар испаниялик футболчи жорий мавсумда камида 25 та ўйинда камида 45 дақиқа майдонга тушса, унинг шартномаси автоматик равишда 2026 йилгача узайтирилади.

Эслатиб ўтамиз, айни дамда Исконинг "Бетис" билан шартномаси 2025 йилнинг ёзига қадар амал қилади. Футболчи шу ёзда Мануел Пеллегрини жамоасига эркин агент сифатида келиб қўшилди.

Маълум қилинишича, агар Исконинг шартномаси автоматик тарзда 2026 йилнинг ёзига қадар узайтирилса, шартномада товон пули 10 миллион евро бўлади.

Жорий мавсумда Иско “Бетис” сафида Испания чемпионатида 10 та ўйинда майдонга тушиб, 1 та гол ва ассистентлик қилган.