Kecha, 21 oktabr kuni Las-Palmas-de-Gran-Kanariya shahrida "Las-Palmas" va "Rayo Valyekano" fan klubi o‘rtasida mushtlashuv bo‘lib o‘tdi va uning davomida muxlislardan biri pichoqlab ketildi. Bu haqda Marca xabar bermoqda.
Ma’lum qilinishicha, mushtlashuvda 150 ga yaqin odam qatnashgan. Tartibsizliklarni "Rayo Valyekano"ning radikal muxlislari boshlab bergan, ular shahardagi bir nechta muassasalarda dam olayotgan “Las-Palmas” muxlislariga hujum qilgan.
Mahalliy polisiya bu mushtlashuvga chek qo‘yishga muvaffaq bo‘ldi, natijada bir kishi hibsga olindi. Huquq-tartibot idoralari xodimlari mushtlashuv qayta boshlanishiga yo‘l qo‘ymaslik uchun bir muddat voqea joyida qolishdi. Ta’kidlanishicha, jarohatlangan muxlis yengil jarohat olgan.
