Кеча, 21 октабрь куни Лас-Пальмас-де-Гран-Канария шаҳрида "Лас-Пальмас" ва "Райо Вальекано" фан клуби ўртасида муштлашув бўлиб ўтди ва унинг давомида мухлислардан бири пичоқлаб кетилди. Бу ҳақда Marca хабар бермоқда.
Маълум қилинишича, муштлашувда 150 га яқин одам қатнашган. Тартибсизликларни "Райо Вальекано"нинг радикал мухлислари бошлаб берган, улар шаҳардаги бир нечта муассасаларда дам олаётган “Лас-Пальмас” мухлисларига ҳужум қилган.
Маҳаллий полиция бу муштлашувга чек қўйишга муваффақ бўлди, натижада бир киши ҳибсга олинди. Ҳуқуқ-тартибот идоралари ходимлари муштлашув қайта бошланишига йўл қўймаслик учун бир муддат воқеа жойида қолишди. Таъкидланишича, жароҳатланган мухлис енгил жароҳат олган.
