Osiyo Chempionlar ligasi, 3-turidan o‘rin olgan “Navbahor” - “Nassaji Mazandaran” (2:1) o‘rtasidagi o‘yindan keyingi matbuot anjumanining birinchi qismida eronliklar ustozi Mehdi Rahmati qatnashib, jurnalistlarning savollariga javob berdi.
- Futbolchilarimni bugungi ajoyib o‘yin bilan tabriklayman. Birinchi bo‘limda rejalarimiz amalga oshdi va birinchi 45 daqiqalikni g‘alaba bilan yakunladik. Ikkinchi bo‘limda xatoliklar yuz bera boshladi. Hakamning o‘yindan tashqari holatni aniqlashdagi kichik xatosi evaziga futbolchimizga qizil kartochka ko‘rsatildi. Shunday bo‘lsada, jamoamiz yaxshi o‘yin ko‘rsatdi, ulardan minnatdorman. Mazkur bellashuvdagi mag‘lubiyatimiz kechiktirilgan ofsayd sababli ro‘y berdi.
Ushbu bahsda muxlislarning hakamga qilgan bosimi hisobiga referi ko‘p marotaba xatoga yo‘l qo‘ydi. Hakamning xatosi sababli, qizil kartochka oldik va o‘sha chetlatishdan so‘ng, o‘yin butkul o‘zgarib ketdi. Qizil kartochka sababli, majburiy o‘zgarishlarni amalga oshirdik. Jarohati bor o‘yinchilarimizni ham maydonga tushirishga to‘g‘ri keldi. Agar hakam qizil kartochka bermaganida, ikkinchi golni urib, bahsni g‘alaba bilan yakunlar edik.
Bugungi o‘yindagi natija faoliyatimdagi eng og‘iri. Qizil kartochkani haligacha hazm qila olmayapman. Ofsayd aniqlanganidan so‘ng, hakamlar VARni ko‘rib, futbolchimizni maydondan chetlatdi. Lekin yigitlar oxirigacha kurashishdi, ularga rahmat aytaman.
- Namangan haqidagi taassurotlaringiz va muxlislar yaratgan atmosfera haqida nima deya olasiz?
- Muxlislar “Navbahor”ni juda yaxshi qo‘llab-quvvatlashdi. Ushbu g‘alaba ishqibozlar effekti sababli, ro‘y berdi deb o‘ylayman. Hakamlar muxlislarning bosimi tufayli xato qilishga majbur bo‘lishdi. O‘sha xato bo‘lmaganida, g‘alaba bilan qaytgan bo‘lardik. “Navbahor”ning yutug‘i to‘lig‘icha muxlislarniki. Eronlik muxlislarga ham rahmat aytaman. Ular kamchilik bo‘lishlariga qaramasdan, bizni imkoni boricha qo‘llab-quvvatlab turishdi.
