Ispaniyada qiziqarli mish-mishlar paydo bo‘ldi. Bir necha oy oldin "Barselona" Pedrini daxlsiz deb hisoblagandi, ammo futbolchining jarohatlari bilan bog‘liq vaziyat Kataloniya klubida ma’lum xavotirlarni keltirib chiqarmoqda. Shu fonda kataloniyaliklar iqtidorli futbolchini sotish imkoniyatini istisno etmaydi.

Pedri "Manchester Siti"ga o‘tishi mumkin - "shaharliklar" bosh murabbiyi Xosep Gvardiola futbolchini juda yaxshi ko‘radi. Qayd etilishicha, yozda Pedrining nomi klublar o‘rtasidagi Joau Kanselu borasidagi muzokaralarda tilga olingandi.

Angliya chempionlari Pedri uchun katta pul to‘lashga tayyor. Transfer summasi 100 million yevro atrofida bo‘lishi mumkin. "Barselona" uchun bunday transfer klubning moliyaviy ahvolini yaxshilashga yordam beradi.