Испанияда қизиқарли миш-мишлар пайдо бўлди. Бир неча ой олдин "Барселона" Педрини дахлсиз деб ҳисоблаганди, аммо футболчининг жароҳатлари билан боғлиқ вазият Каталония клубида маълум хавотирларни келтириб чиқармоқда. Шу фонда каталонияликлар иқтидорли футболчини сотиш имкониятини истисно этмайди.
Педри "Манчестер Сити"га ўтиши мумкин - "шаҳарликлар" бош мураббийи Хосеп Гвардиола футболчини жуда яхши кўради. Қайд этилишича, ёзда Педрининг номи клублар ўртасидаги Жоау Канселу борасидаги музокараларда тилга олинганди.
Англия чемпионлари Педри учун катта пул тўлашга тайёр. Трансфер суммаси 100 миллион евро атрофида бўлиши мумкин. "Барселона" учун бундай трансфер клубнинг молиявий аҳволини яхшилашга ёрдам беради.
